Nambardar.pk Nambardar.pk Islamabad, Karach And Lahore.
گوجرانوالہ میں ڈپٹی کمشنر نوید احمد کی زیر صدارت ڈسٹرکٹ ایمرجنسی اتھارٹی کا ماہانہ جائزہ اجلاس منعقد ہوا جس میں سی ای او ایجوکیشن ڈاکٹر عطیہ ملک نے سرکاری سکولوں میں طلباء و طالبات کے داخلوں، نئے تعلیمی سال کیلئے درسی کتب کی تقسیم، معیار تعلیم، سکولوں کی مجموعی آؤٹ لک، بنیادی سہولیات کی فراہمی اور جاری ترقیاتی سکیموں کے حوالے سے تفصیلی بریفنگ دی۔
اجلاس سے خطاب کرتے ہوئے ڈپٹی کمشنر نوید احمد نے کہا کہ سرکاری سکولوں میں معیار تعلیم کی بہتری Maryam Nawaz Sharif اور ضلعی انتظامیہ کی اولین ترجیح ہے۔ انہوں نے ہدایت کی کہ اساتذہ کی حاضری، طلباء کی انرولمنٹ اور سکولوں کی مجموعی بہتری پر خصوصی توجہ دی جائے تاکہ والدین کا سرکاری تعلیمی اداروں پر اعتماد مزید مضبوط ہو۔
ڈپٹی کمشنر نے مزید کہا کہ دستیاب فنڈز کو تعلیمی اداروں کی اپ گریڈیشن، جدید سہولیات کی فراہمی اور بہتر تعلیمی ماحول کے قیام کیلئے مؤثر انداز میں استعمال کیا جائے تاکہ طلباء کو معیاری تعلیم کے ساتھ بہترین سہولیات بھی میسر آ سکیں۔
