وزیراعلیٰ پنجاب مریم نواز شریف کے خوبصورت پنجاب ویژن کے تحت دال بازار اور ملحقہ بازاروں کو ماڈل اور جدید بنانے، توسیع، فٹ پاتھ کی تعمیر، یکساں ڈیزائن کے فرنٹ اور بورڈز کی تنصیب کے کاموں کی پیش رفت کا جائزہ لیا۔
ڈپٹی کمشنر نے متعلقہ حکام کو ٹف ٹائل ورک اور تعمیراتی کام جلد مکمل کرنے کی ہدایات جاری کیں۔

ڈپٹی کمشنر نے بتایا کہ پنجاب ڈویلپمنٹ پروگرام کے تحت شہر کے 40 سال پرانے سیوریج نظام کی مکمل اوورہالنگ کی جا رہی ہے، جس کے تحت بوسیدہ اور ناکارہ لائنوں کو تبدیل کر کے جدید سیوریج لائنز بچھائی جا رہی ہیں۔

انہوں نے کہا کہ ان منصوبوں کی تکمیل سے شہریوں کو درپیش نکاسی آب کے دیرینہ مسائل سے مستقل نجات ملے گی اور شہری ماحول میں نمایاں بہتری آئے گی۔

بعد ازاں ڈپٹی کمشنر نے جوگی چوک تا ریلوے روڈ جاری ترقیاتی کاموں کا بھی معائنہ کیا۔ انہوں نے کام کی رفتار اور معیار پر اطمینان کا اظہار کرتے ہوئے ہدایت کی کہ منصوبوں کو مقررہ مدت میں مکمل کیا جائے اور تعمیراتی معیار پر کوئی سمجھوتہ نہ کیا جائے۔

ڈپٹی کمشنر کیپٹن (ر) سمیع اللہ فاروق نے واضح کیا کہ عوامی سہولت کے منصوبے حکومت کی اولین ترجیح ہیں اور ان کی بروقت تکمیل کو ہر صورت یقینی بنایا جائے گا۔

دوسری جانب ڈپٹی کمشنر کے احکامات پر محکمہ سول ڈیفنس نے ایل پی جی فروخت کرنے والوں کی کڑی مانیٹرنگ شروع کر دی ہے تاکہ کسی بھی ناخوشگوار واقعے سے بچا جا سکے۔

مزید برآں 52 ٹو ایل اور حجرہ شاہ مقیم میں غیر قانونی کمرشل یونٹس کے خلاف کارروائیاں جاری ہیں، جہاں خلاف ورزی کرنے والوں کے خلاف قانونی اقدامات کیے جا رہے ہیں۔

انتظامیہ کا کہنا ہے کہ شہری نظم و ضبط اور عوامی تحفظ ہر صورت یقینی بنایا جائے گا۔

شہر کے اہم مقامات پر تزئین و آرائش، گرین بیلٹس کی بہتری اور شجرکاری مہم کو مزید مؤثر بنایا جا رہا ہے۔

دیدہ زیب لائٹس کی تنصیب سے شہر کی خوبصورتی میں اضافہ کیا جا رہا ہے۔

انتظامیہ نے اس عزم کا اعادہ کیا ہے کہ شہریوں کو ایک خوبصورت اور بہتر شہری ماحول فراہم کیا جائے گا۔

تفصیلات کے مطابق آل پاکستان نمبردار ایسوسی ایشن (رجسٹرڈ) کے بانی و چیئرمین راجہ عظمت علی کیانی نے میں میڈیا سے گفتگو کرتے ہوئے کہا کہ جنرل سید عاصم منیر کی قیادت میں پاک فوج نے نہ صرف ملکی سلامتی کو مضبوط بنایا بلکہ خطے میں امن و استحکام کے فروغ میں بھی کلیدی کردار ادا کیا ہے، جس کے پیش نظر وہ اس عالمی اعزاز کے مکمل طور پر مستحق ہیں۔

انہوں نے کہا کہ یہ صرف ایک مطالبہ نہیں بلکہ عوامی جذبات کی ترجمانی ہے، اور آنے والے دنوں میں خیبر سے کراچی تک پاک فوج کے ساتھ اظہارِ یکجہتی کا عملی مظاہرہ کیا جائے گا۔ ان کا کہنا تھا کہ پوری قوم اپنی افواج کے ساتھ کھڑی ہے اور ہر مشکل وقت میں ان کے شانہ بشانہ رہنے کا عزم رکھتی ہے۔

راجہ عظمت علی کیانی نے مزید کہا کہ پاکستان کی عسکری و سیاسی قیادت نے عالمی سطح پر امن کے قیام کے لیے جو کردار ادا کیا، وہ قابلِ ستائش ہے، اور بین الاقوامی برادری کو بھی ان کوششوں کا اعتراف کرنا چاہیے۔ انہوں نے زور دیا کہ دنیا کو درپیش چیلنجز کے حل کے لیے ایسے رہنماؤں کی حوصلہ افزائی ضروری ہے جو امن، استحکام اور سفارتکاری کو فروغ دیتے ہیں۔

آخر میں انہوں نے کہا کہ آل پاکستان نمبردار ایسوسی ایشن ملک بھر میں اس حوالے سے عوامی سطح پر آگاہی مہم بھی چلائے گی تاکہ اس مطالبے کو عالمی سطح تک مؤثر انداز میں پہنچایا جا سکے۔

مولانا اشرف علی صاحب نے اپنی پوری زندگی اتحادِ امت، توحید کی سربلندی اور اتحاد بین العلماء والمسلمین کے لیے وقف کیے رکھی۔ ان کی دینی، تعلیمی اور اصلاحی خدمات کو ہمیشہ یاد رکھا جائے گا۔

نمازِ جنازہ کل بروز جمعہ بعد از نماز جمعہ سہ پہر 3 بجے لیاقت باغ میں ادا کی جائے گی۔

اس موقع پر صدر علماء مشائخ پیر جی سید قاسم شاہ نے مولانا اشرف علی صاحب کی وفات پر گہرے دکھ اور افسوس کا اظہار کرتے ہوئے کہا کہ مرحوم ایک عظیم علمی و روحانی شخصیت تھے جن کی کمی کبھی پوری نہیں کی جا سکتی۔